कपिलवस्तुको नेपाल आदर्शले निशुल्क शिक्षाको नाममा महंगो गाडी भाडा असुल्दै
न्युज सेन्टर नेपाल-
कपिलवस्तुको शिवराज नगरपालिकाका अभिभावकहरुले सामुदायिक विद्यालयले महंगो गाडी भाडा असुलेको भन्दै गम्भीर ध्यानाकर्षण भएको जनाएका छन ।
शिवराज नगरपालिकामा निशुल्क शिक्षा लागु गरिएको छ तर नगरपालिकाको नेपाल आदर्श माध्यमिक विद्यालय शिवपुरले महगों गाडी भाडा असुली रहेको छ ।।
शिवराज नगरपालिकाले अबैध मान्दै बन्द गरेको सहयोग रसिदमा नेपाल आदर्श माध्यमिक विद्यालय शिवपुरले महगों गाडी भाडा असुलेको प्रमाण फेला परेको हो ।
रसिदमा खरेन्द्रपुर देखी शिवपुर सम्मको भाडा १३ सयको दरले असुल्दै गरेको पाएइको हो ।
महंगो भाडाको विषयमा नेपाल आदर्श माध्यमिक विद्यालय शिवपुरका प्रमुख मुक्ती नाथ पोखरेलसगँ बुझन खोज्दा उहाँको फोन सम्पर्क हुन सकेन ।
निशुल्क शिक्षासगै गाडी भाडा समेत निशुल्क हुनु पर्ने एक अभिभावकले माग राख्नुभयो । निशुल्क शिक्षा लागु भएको पालिकामा गाडी भाडाको नाममा अभिभावकमाथि भार थोपर्ने काम गरेको भन्दै तत्काल गाडी भाडा निशुल्क गर्न नाम नबताउने सर्तमा एक अभिभावकले माग राख्नुभयो ।
एक तिर निशुल्क शिक्षा लागु गरीएको छ भने आर्को तिर गाडी भाडा थपेर उल्टै आर्थिक भार थोपर्ने कामले अभिभावक दुखी भएका छन । निशुल्क शिक्षाको नाममा निजि विद्यालयलबाट सामुदायिक विद्यालयमा भर्ना गरिएको बालबालिको गाडी भाडाले गर्दा अभिभावक मारमा परेका छन ।
सामुदायिक विद्यालयले लिने गाडी भाडा भन्दा सस्तो निजि विद्यालयले लिने महिनाबारी शुल्क रहेको अभिभावकले बताएका छन ।
नेपाल आदर्श माध्यमिक विद्यालय शिवपुरको सहयोग रसिद
नेपाल आदर्श माध्यमिक विद्यालय शिवपुरको सहयोग रसिद
