कपिलवस्तुको शिवराजमा रोज थेरापी स्पा सञ्चालनमा
कपिलवस्तु-
कपिलवस्तुको शिवराज नगरपालिका-३, खरेद्रपुरमा रोज थेरापी स्पा प्रा. ली. सञ्चालनमा आएको छ । आधुनिक स्वास्थ्य सेवाको पहुँचलाई स्थानीय स्तरमा विस्तार गर्ने उद्देश्यले स्पा सन्चालन गरेको सन्चालक माधव खनालले बताउनु भयो ।
नागरिकहरूको स्वास्थ्यलाई मध्यनजर गर्दै विभिन्न थेरापी र मसाज सेवाहरू प्रदान गर्ने लक्ष्यका साथ अघि बढेको खनालको भनाई रहेको छ ।
रोज थेरापी स्पाको प्रमुख आकर्षण साउना स्टीम बाथ, फुल बोडी मसाज, थाइ मसाज, कपल मसाज, हेड नेक सोल्डर्स मसाज, डीप टिश्यु मसाज, र फूट मसाज जस्ता विविध सेवाहरू हुन ।
स्वास्थ्य र शारीरिक स्फूर्ति प्रदान गर्न मद्दत पुर्याउने सञ्चालक माधव खनालले बताउनुभयो । उहाँका अनुसार, यी सेवाहरूले न केवल शारीरिक तनावलाई कम गर्ने, मानसिक शान्ति र आराम प्रदान गर्नमा पनि महत्वपूर्ण भूमिका खेल्ने बताउनु भयो ।
स्पाको डाइरेक्टर निता परियारले स्पाको फाइदाबारे विस्तृत जानकारी दिँदै मसाजले शारीरिक तथा मानसिक थकानलाई दूर गर्न मद्दत गर्ने बताउनु भयो ।
स्पाले शरीरमा नयाँ उर्जा भर्ने, निराशा हटाउने, बुढ्यौलीपनको प्रभावलाई ढिलो गराउने, र राम्रो निन्द्राको अनुभूति गराउने जस्ता फाइदाहरू हुने निता परियारले जानकारी दिनुभयो ।
उहाँका अनुसार, यस स्पामा उपलब्ध सेवाहरूले तौल घटाउने, छालामा चमक ल्याउने, र नशासम्बन्धी समस्याहरूको जोखिमलाई कम गर्ने छन्।
थेरापीको महत्त्वबारे चर्चा गर्दै, डाइरेक्टर परियारले थप्नुभयो, “मसाज थेरपीहरूले नियमित शारीरिक व्यायामको अभावले आउने समस्याहरूलाई न्यून गर्न मद्दत पुर्याउँछन । विशेष गरी हाम्रो समाजमा बढ्दै गएको तनाव, थकान र बुढ्यौलीसँग जुध्न मसाज एक प्रभावकारी उपाय हो।”
रोज थेरापी स्पाको व्यवस्थापनले सेवा गुणस्तर र ग्राहक सन्तुष्टिमा कुनै सम्झौता नगर्ने नीति लिएको छ । यसका लागि, योग्य र अनुभवी थेरापिस्टहरूको टिम राखिएको छ, जसले अन्तर्राष्ट्रिय स्तरको सेवा प्रदान गर्न सक्षम छन ।
साथै स्पामा प्रयोग हुने सम्पूर्ण सामग्री र उपकरणहरू उच्च गुणस्तरका छन । जसले ग्राहकहरूलाई सुरक्षित र सन्तोषजनक सेवा दिने सुनिश्चितता हुने स्पा सन्चालकले बताएका छन ।
शिवराज नगरपालिकाका बासिन्दाहरूले रोज थेरापी स्पा सञ्चालनमा आएकोमा खुसी व्यक्त गरेका छन । यस प्रकारको सेवा नगरको स्वास्थ्य सुधारमा सकारात्मक प्रभाव पार्ने र मानिसहरूलाई स्वस्थ जीवनशैली अपनाउन प्रेरित गर्ने अपेक्षा गरिएको छ ।
रोज थेरापी स्पाले आगामी दिनहरूमा सेवाको विस्तार र ग्राहकहरूको आवश्यकता अनुसार नयाँ सेवाहरू थप्ने योजना बनाएको छ ।
कपिलवस्तुमा पहिलो पटक यस किसिमको उच्चस्तरीय स्पा सेवा सञ्चालनमा आएको हो, जसले यस क्षेत्रका नागरिकहरूलाई गुणस्तरीय सेवा प्रदान गर्दै उनीहरूको जीवनशैलीमा सुधार ल्याउने विश्वास लिइएको छ।
