कपिलवस्तुमा विश्व आत्माहत्या रोकथाम दिवस मनाइयो
रोटरी क्लब अफ कपिलवस्तुको आयोजनमा शिवराज नगरपालिकामा विश्व आत्माहत्या रोकथाम दिवस सम्पन्न भएको छ । रोटरी
रोटरी क्लब अफ कपिलवस्तुले आत्महत्या रोकथाम दिवसको अवसरमा सचेतनामूलक कार्यक्रम सम्पन्न गरेको छ । समाजमा आत्महत्या रोकथामका विषयमा जनचेतना फैलाउने उदेश्यले कार्यक्रम आयोजना गरेको
रोटरी क्लब अफ कपिलवस्तुका अध्यक्ष बाल कृष्ण पान्डेयले जानकारी दिनुभयो ।
कार्यक्रममा “आत्महत्या रोकथाम बारे संवाद सुरु गरौं, दृष्टिकोण बदलौं” भन्ने नाराका साथ र्याली निकालिएको अध्यक्ष पान्डेयले बताउनु भयो । र्यालीको शुरुवात सन्जिवनी अस्पताल देखी दुर्गा मन्दिरसम्म गरिएको थियो ।
र्याली कार्यक्रममा शिवराज स्वास्थ्य शाखाका प्रमुख चुडामणि भट्टराईले आत्माहत्या रोकथामका बारेमा प्रशिक्षण दिनु भएको थियो ।
कार्यक्रममा रोटरी क्लब कपिलवस्तुका पुर्वअध्यक्ष, टोपलाल पोख्रेल, टोयानाथ गैरे, रोट्याक क्लबका अध्यक्ष विष्णु पाण्डेय, रोटरीका सदस्यहरू, विद्यालयका विद्यार्थीहरु, स्थानिय युवाहरू र स्वास्थ्यकर्मीहरूले र्यालीमा सहभागी भएका थिए।
र्यालीमा सहभागीहरूले आत्महत्या रोकथाम सम्बन्धी ब्यानर, प्लेकार्ड, र पर्चाहरू वितरण गरेका थिए। र्यालीले समाजमा आत्महत्या रोकथामका विषयमा सकारात्मक सन्देश फैलाउन महत्वपूर्ण भूमिका खेलेको छ।
क्लबका अध्यक्ष पान्डेयका अनुसार, “आत्महत्या एउटा ठूलो सामाजिक समस्या हो, र यसको रोकथामका लागि सबैले मिलेर काम गर्न आवश्यक छ । यो र्यालीले समाजमा आत्महत्या रोकथामको लागि जनचेतना जगाउन मद्दत पुर्याउने विश्वास गरेका छौं।”
यस किसिमका कार्यक्रमले समाजमा आत्महत्या रोकथामका प्रयासलाई मजबुत बनाउन महत्वपूर्ण योगदान दिने विश्वास गरिएको छ।
