राष्ट्रिय वन डेढ लाखमा बेचियोँ, सम्बन्धित निकाय मौन

न्युज सेन्टर नेपाल,कपिलवस्तु-
कपिलवस्तु शिवराज नगरपालिकामा राष्ट्रिय जंगलको आफ्नो जग्गा हो भनेर स्थानीय सन्तोष विश्वकर्माले बलराम बुढा मगरलाई बेचेको रहस्य खुलेको छ ।

सन्तोषले शिव भाइरल डाडा छेउमाको राष्ट्रिय वन क्षेत्र १ लाख ५० हजारमा बेचेको पीडित बलराम बुढा मगरले बताउनु भयो ।

बलराम बुढा मगरको नाममा रहेको शिवराज नगरपालिका वडा नं ५ स्थित ५ धुर जग्गा समेत सन्तोष विश्वकर्माले आफ्नो दाजु मते विश्वकर्माको नाममा गरेको पीडित बुढाले बताउनुभयो ।

बलरामसँग पैसा नहुँदा सन्तोषले बुढाको नाममा रहेको जग्गा मिटर ब्याजमा लगाई पैसा दिनका लागि समेत उस्काएको बुढाको भनाई रहेको छ ।
बलरामको जग्गा मते विकको नाममा नामसारी गरी ३ लाख ३६ हजार ६ सय रुपैयाको मिटर ब्याजमा दिएको कागजात गरेको पाइएको छ ।
बुढाले १ लाख १० हजार मात्रै पाएको र उक्त पैसा सन्तोषलाई दिएको बताए ।
यता सन्तोष विश्वकर्माले भने उक्त जग्गा आफूले नबेचेको तर उक्त राष्ट्रिय जग्गामा बनेको होटल मात्रै बेचेको बताएका छन्। विश्वकर्माले १ लाख १० हजार पाए जग्गा फिर्ता दिने बताएका छन ।
यसरी राष्ट्रिय वन बेचिँदा सम्बन्धित निकाय मौन बस्दा डिभिजन वन कार्यालय गौतमबुद्ध प्रति स्थानीयले प्रश्न गरेका छन्।