राघवेन्द्र गौरव बहुमुखी क्याम्पसलाई बी. एड. को सम्बन्धन
न्युज सेन्टर नेपाल–
कपिलवस्तुको कृष्णनगर नगरपालिका वार्ड नं. ९, बहादुरगंजमा अवस्थित राघवेन्द्र गौरव बहुमुखी क्याम्पसले सुदूरपश्चिम विश्वविद्यालयबाट बी. एड. (Bachelor of Education) कार्यक्रमको सम्बन्धन प्राप्त गरेको छ।
कृष्णनगर नगरपालिकाका नगरप्रमुख रजत प्रताप शाहको पहलमा र नेपाली कांग्रेसका नेता तथा पूर्व संसद अभिषेक प्रताप शाहको सक्रियतामा राघवेन्द्र गौरव बहुमुखी क्याम्पसले यो सम्बन्धन प्राप्त गरेको हो ।
नगरप्रमुख शाहले भन्नू भयो, “राघवेन्द्र गौरव बहुमुखी क्याम्पसलाई बी. एड. कार्यक्रमको सम्बन्धन प्राप्त हुनु हाम्रो नगरपालिकाको लागि गर्वको कुरा हो ।
यसले हाम्रा विद्यार्थीहरुलाई उच्च शिक्षामा थप अवसर प्रदान गर्नेछ।” उहाले थप्नुभयो, “हामीले शिक्षा क्षेत्रमा नयाँ सुधार र अवसर सिर्जना गर्न कटिबद्ध छौं।”
नगरप्रमुख शाहले जानकारी दिएअनुसार, यसै शैक्षिक सत्रदेखि बी. एड. कक्षा संचालन गर्न लागेको क्याम्पसले जनाएको छ।
यो निर्णयले स्थानीय विद्यार्थीहरुलाई गुणस्तरीय शिक्षाको पहुँचमा पुर्याउन महत्वपूर्ण योगदान पुर्याउने विश्वास गरिएको छ।
क्याम्पस प्रशासनले इच्छुक विद्यार्थीहरुलाई समयमा नै भर्ना प्रक्रियामा सहभागी हुन हार्दिक अनुरोध गरेको छ।
बी. एड. कार्यक्रमको लागि भर्ना हुन चाहने विद्यार्थीहरुले क्याम्पसमा सम्पर्क गरेर आवश्यक जानकारी लिन सक्नेछन्। क्याम्पसले विद्यार्थीहरुलाई आवश्यक परामर्श र सहयोग प्रदान गर्न तत्पर रहेको जनाएको छ।
शिक्षा क्षेत्रमा नयाँ आयाम थप्ने विश्वास गरिएको छ। यस क्षेत्रका विद्यार्थीहरुको शैक्षिक भविष्य उज्जवल बनाउनका लागि राघवेन्द्र गौरव बहुमुखी क्याम्पसले महत्त्वपूर्ण भूमिका खेल्नेछ।
यस क्याम्पसले शिक्षाको गुणस्तरमा सुधार ल्याउने र शिक्षकको तयारीमा मद्दत गर्ने उद्देश्यले यो कार्यक्रम संचालन गर्न लागेको हो।
सुदूरपश्चिम विश्वविद्यालयसँगको यो सहकार्यले विद्यार्थीहरुलाई उच्च शिक्षामा थप अवसर प्रदान गर्नेछ र स्थानीय समुदायमा सकारात्मक प्रभाव पार्नेछ। स्थानीय अभिभावकहरु र विद्यार्थीहरुले यो निर्णयलाई स्वागत गर्दै, आफ्नो शैक्षिक भविष्यको लागि नयाँ ढोका खुल्ने विश्वास गरेका छन्।
यो सम्बन्धनले कृष्णनगर नगरपालिकाको शिक्षा क्षेत्रलाई थप मजबुत बनाउनेछ र यहाँका विद्यार्थीहरुलाई उच्च शिक्षा हासिल गर्न प्रोत्साहन दिनेछ।
राघवेन्द्र गौरव बहुमुखी क्याम्पसले यस क्षेत्रको शैक्षिक विकासमा महत्वपूर्ण भूमिका खेल्दै आएको छ र यो निर्णयले त्यो भूमिका अझ सुदृढ पार्नेछ।
