कपिलवस्तुमा १४ किलो चरेश सहित ४ पक्राउ
न्युजसेन्टर नेपाल-
कपिलवस्तु प्रहरीले कृष्णनगर सीमानाबाट १४ किलो चरेश सहित ४ जनालाई पक्राउ गरेको छ ।
मंगलबार बेलुकी ६ बजे कृष्णनगरबाट भारत जादै गरेका शंकाश्पद ४ जनालाई चेकजाच गर्दा उनीहरूबाट चरेश बरामद भएको हो ।
विशेष सुराकीको आधारमा दिउसो देखि नै सीमा क्षेत्रमा कृष्णनगर प्रहरीले सादा पोशाकका प्रहरी परिचालन गरेको थियो । पक्राउ पर्नेमा ३ महिला र १ पुरूष रहेको र उनीहरूले कम्मरमा पेटि बनाएर चरेश भारत तर्फ लैजादै गरेका थिए ।
पक्राउ चारैजना भरिया मात्र रहेको प्रारम्भिक अनुसन्धान बाट खुलेको कपिलवस्तु प्रहरीले जनाएको छ ।
थप केहि व्यक्ति पक्राउ प्रकृया तथा अनुसन्धान कार्य जारी रहेकोले उनीहरूको नाम तथा ठेगाना गोप्य राखिएको प्रहरी उपरिक्षक सन्तोष आचार्यले जानकारी दिए
