जिप दुर्घटना, २ जनाको मृत्यु
बैतडी । भीमदत्त राजमार्ग अन्तरगत पर्ने डडेल्धुराको अमरगडी नगरपालिका-७ खर्स्याखानमा जिप दुर्घटना भएको छ । दुर्घटनामा २ जनाको मृत्यु भएको छ ।
धनगढी बाट दार्चुला तर्फ जाँदै गरेको सु।प।प्र ०१ – ००१ ज १८५० नम्बरको बोलेरो जीप बिहान २ बजे दुर्घटना भएको हो । दुर्घटनामा चालकसहित ३ जना घाइते भएका छन् ।
दुर्घटनामा परी मृत्यु हुनेमा दार्चुलाको अपिहिमाल गाउँपालिका -१ का सुगन लोथ्याल र सोही ठाउका हनु लोथ्याल रहेको प्रहरीले जनाएको छ ।
यस्तै दार्चुलाको मार्मा गाउँपालिकाका ५० वर्षीय अमरसिंह ठगुन्ना र अपिहिमाल गाउँपालिका-१ का वर्ष ३५ वर्षीय सरस्वती लोथ्याल रहेका छन् ।
यसैगरी जिप चालक बैतडीको डिलासैनी गाउँपालिका-२ का अमृत घरेडी पनि घाइते छन् । घाइते तीनै जनाको डडेल्धुरा अस्पतालमा उपचार भइरहेको छ ।
जिप सडकबाट करिब ४ सय मिटर तल खसेको थियो ।
