विद्युत प्राधिकरणमा फेरी कुलमानलाई ल्याउन प्रधानमन्त्री देउवाको निर्देशन
काठमाडौं-कुलमान घिसिङ फेरी नेपाल विद्युत प्राधिकरणमा आउनुहुने भएको छ । प्रधानमन्त्री शेरबहादुर देउवाले घिसिङलाई प्राधिकरणको कार्यकारी निर्देशक बनाउने प्रक्रिया थाल्न निर्देशन दिनुभएको छ ।
मंगलबार उर्जा मन्त्री पम्फा भुसाललाई बालुवाटारमा बोलाएर प्रधानमन्त्री देउवाले प्राधिकरणका पूर्वकार्यकारी निर्देशक घिसिङलाई नियुक्त गर्ने प्रक्रिया सुरू गर्न निर्देशन दिनुभएको हो । प्रधानमन्त्रीको निर्देशनपछि उर्जामन्त्री भुसालले प्राधिकरणका अहिलेका कार्यकारी निर्देशक हितेन्द्रदेव शाक्यलाई बोलाएर राजीनामा दिन भन्नुभएको छ ।
