घाटमा जलाउने तयारी गर्दागर्दै कराएपछि …
ज्ञवालीको तानसेनकै युनाइटेड मिशन अस्पतालमा १० दिनसम्म उपचार भएको थियो । आफन्तकै आग्रहमा अस्पतालले सोमबार दिउँसो अक्सिजन लगाएर बिरामीलाई डिस्चार्ज दिएको र उनीहरुले बिरामीलाई सिधै रिडीघाट पुर्याएको वडा अध्यक्ष सोमबहादुर दर्लामीले जानकारी दिनुभयो ।
दर्लामीका अनुसार अक्सिजन निकालेको आधा घण्टापछि बिरामीको मृत्यु भएको हल्ला भएपछि आफन्तले पानीमा आधा शरीर डुवाएर चिताको तयारीमा थिए । केही समयपछि बिरामी चल्न, कराउन थालेपछि तत्कालै रिडी गुल्मीको प्राथमिक स्वास्थ्य केन्द्र पुर्याइएको थियो । स्वास्थ्य कर्मीले धड्कन र नाडी चलेकाले थप उपचारका लागि अस्पताल लान भनेपछि सोमबार बेलुकी ज्ञवालीको लुम्बिनी मेडिकल कलेज प्रभासमा भर्ना गरी उपचार गरिएको हो ।
झाडापखालाकी बिरामी ज्ञवालीलाई मुटुको समस्या देखिएको र डाललासिन गर्नुपर्छ भनेपछि पैसाको अभाव छ भन्दै आफन्तले बिरामीलाई डिस्चार्ज गर्न दवाब दिएको मिशन अस्पताल तानसेनले जनाएको छ ।
एम्बुलेन्समा अक्सिजन लगाएर बिरामीलाई घर पठाएको अस्पतालको प्रतिक्रिया छ । मिसन अस्पतालका अनुसार उनकी श्रीमान् सूर्यचन्द्र, छिमेकी भानुभक्त भट्टराई ओम पौडेल, थानेश्वर कडेल र सुर्यचन्द्र कडेलले अस्पतालबाट बिरामी बुझेका हुन् । युनाइटेड मिशन अस्पतालमा १० दिनसम्म उपचार गर्दा ७३ हजार ६ सय ७८ रुपिया खर्च भएको र खर्च मध्ये ५६ हजार ९ सय ६३ रुपिया स्वास्थ्य बीमाबाट काटिएको अस्पतालले जनाएको छ ।
