इरान सङ्कटका कारण देशमा तेल र ग्यासको आपूर्तिमा कमी आएको र देशका धेरै क्षेत्रहरूमा मानिसहरूले ग्यास अभावको सामना गरिरहेको खबरहरू आएका थिए।
कम्पनीले सामाजिक सञ्जाल प्लेटफर्म एक्समा लेखेको छ, ‘एचपीसीएल यो स्पष्ट गर्न चाहन्छ कि इन्धनको अभाव र आपूर्ति अवरुद्ध भएको भन्ने रिपोर्टहरू भ्रामक हुन् र यसले वास्तविक स्थितिलाई प्रतिबिम्बित गर्दैनन्।’
‘एचपीसीएलका रिटेल आउटलेटहरूमा इन्धन आपूर्ति पूर्ण रूपमा सामान्य छ र नियमित रूपमा पुनः भर्ने तथा निर्बाध सञ्चालन सुनिश्चित गरिँदै छ,’ सन्देशमा उल्लेख छ ।
‘केही स्थानहरूमा ग्राहकहरूको सङ्ख्या र लाइन (क्यु) मा देखिएको अस्थायी वृद्धि मुख्यतया मे महिनाको दौरान हुने मौसमी माग बढेका कारणले हो,’ सन्देशमा अगाडि भनिएको छ, ‘यसका अतिरिक्त, धेरै ग्राहकहरूले एचपीसीएलका रिटेल आउटलेटहरूलाई प्राथमिकता दिइरहेका छन् किनभने केही निजी रिटेल आउटलेटहरूमा इन्धन तुलनात्मक रूपमा बढी मूल्यमा बेचिरहेको छ।’
