नेपाल इन्भेष्टमेन्ट मेगा बैंकका सीईओ पाण्डे ८० लाख धरौटीमा रिहा
काठमाडौं । नेपाल इन्भेष्टमेन्ट मेगा बैंकका प्रमुख कार्यकारी अधिकृत (सीईओ) ज्योतिप्रकाश पाण्डे ८० लाख रुपैयाँ धरौटीमा रिहा भएका छन् ।
काठमाडौं जिल्ला अदालतले पाण्डेलाई ८० लाख रुपैयाँबराबरको बैंक ग्यारेन्टी बुझाएर रिहा गर्ने आदेश दिएको हो ।
स्मार्ट टेलिकम प्रकरणमा उनीविरुद्ध भएको थुनछेक बहसपछि अदालतले यस्तो आदेश दिएको हो ।
स्मार्ट टेलिकमसँग सम्बन्धित अनुसन्धानका क्रममा पाण्डेसहित केही व्यक्तिमाथि अनुसन्धान अघि बढाइएको थियो । सोही प्रकरणमा पक्राउ परेका पाण्डेलाई अदालतमा उपस्थित गराइएको थियो ।
अदालतमा भएको थुनछेक बहसका क्रममा सरकारी पक्षले अनुसन्धानका क्रममा संकलित प्रमाण तथा पाण्डेको सम्भावित संलग्नताबारे आफ्नो धारणा प्रस्तुत गरेको थियो ।
पाण्डेका तर्फबाट भने आफूविरुद्ध लगाइएका आरोप र अनुसन्धानका विषयमा प्रतिवाद गरिएको थियो ।
बहसपछि अदालतले पाण्डेलाई ८० लाख रुपैयाँ धरौटीका लागि बैंक ग्यारेन्टी राखेर रिहा गर्ने आदेश दिएको हो
