एमाले महासचिव पोखरेललाई कोरोना संक्रमण
काठमाडौं- नेकपा एमालेका महासचिव शंकर पोखरेललाई कोरोना भाइरस संक्रमण पुष्टि भएको छ । उहाँले आफू कोरोना संक्रमित भएको फेसबुकमार्फत जनाउनु भएको छ ।
पछिल्लो दुई हप्तायता लगातार नेपालमा कोरोना संक्रमितको संख्या बढिरहेको छ । यस पटक नेकपा माओवादी केन्द्रका अध्यक्ष पुष्पकमल दाहालसहितका नेताहरु, नेकपा एकीकृत समाजवादीका अध्यक्ष माधवकुमार नेपाल पनि संक्रमित हुनु भएको छ ।
