प्रधानमन्त्रीले नैतिक र वैधानिक हैसियत गुमाइसक्नुभयो :प्रचण्ड

काठमाडौं – माओवादी केन्द्रका अध्यक्ष पुष्पकमल दाहाल प्रचण्डले प्रधानमन्त्री केपी शर्मा ओलीलाई विश्वास माग्नुको साटो राजीनामा दिन सुझाव दिनुभएको छ । । प्रधानमन्त्रीले विश्वासको मत माग्न राखेको प्रस्तावमा संसदमा बोल्दै त्यसकोे विपक्षमा बालेका दाहालले प्रधानमन्त्रीले नैतिक र वैधानिक हैसियत गुमाएको बताउनुभयो ।

“प्रधानमन्त्रीले विश्वासको मत माग्न पाउने उहाँको लोकतान्त्रिक अधिकारको म सम्मान गर्दछु,” दाहालले भन्नुभयो , “तर, उहाँले सरकारमा बस्ने नैतिक, राजनीतिक र बैधानिक हैसियत गुमाइसक्नुभएको छ । त्यसैले म उहाँलाई अझ पनि राजीनामा दिएर लोकतान्त्रिक मार्ग प्रशस्त गर्न सुझाव दिन्छु ।”